Këtë të premte ju pret finalja e madhe e Big Brother VIP Kosova – kush po e fiton? (VIDEO)

E premtja e 24 janarit është e rezervuar vetëm për edicionin e tretë të formatit më të shikuar televiziv në trojet shqiptare, Big Brother VIP Kosova, sepse është finalja e madhe.

Këtë të premte duke filluar nga ora 21:00, pas afër 100 ditëve, do të zhvillohet finalja e edicionit të tretë të BBVK-së, derisa gara po vazhdon të jetë e ashpër mes pesë finalistëve, transmeton Klankosova.tv.

Vullneti, Xheneta, Driloni, Sara dhe Xuxi janë të pestë konkurrentët që synojnë çmimin e madh prej 160 mijë eurosh.

Por, cili prej tyre do të triumfoj? Këtë e zbulojmë bashkë këtë të premte, derisa e tëra varet nga ju dhe SMS që ju i dërgoni.

Prandaj, vazhdoni të votoni sepse ka mbetur shumë pak kohë deri në zbulimin e emrit të fituesit apo fitueses së këtij edicioni të këtij projekti gjigant të televizionit, i cili në Kosovë po realizohet për herën e tretë.

Formatin televiziv Big Brother VIP Kosova mund ta ndiqni në platformat: ArtMotion, Kujtesa dhe NimiTV.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.