Kërcënohet kryeministri Kurti, shtohen forcat e sigurisë para shtëpisë së tij (FOTO)

Kryeministri Albin Kurti është kërcënuar, prandaj forca të shtuara të sigurisë kanë shkuar në shtëpinë e tij.

Zëdhënësi i Qeverisë së Kosovës, Përparim Kryeziu, ka konfirmuar lajmin për Klankosova.tv.

“Kryeministri Kurti është kërcënuar. Për këtë arsye, si masë e kujdesit të shtuar, është rritur edhe niveli i tij i sigurisë. Institucionet e hetuesisë dhe sigurisë tashmë janë duke bërë punën e tyre. Ato bëjnë vlerësimet e nevojshme dhe ndërmarrin masat përkatëse. Në anën tjetër, kryeministri vazhdon angazhimin e tij të rregullt”.

Megjithatë, ai nuk dha detaje për natyrën e kërcënimit.

Klankosova.tv është në pritje të përgjigjes edhe nga Policia e Kosovës.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.