Kendri Lamari katapulton në majë të toplistës me disin kundër Draket

Kendrick Lamar duket se po e fiton edhe kritikisht, edhe komercialisht, betejën e repit me Draken.

Kënga e tij dis ndaj këtij të fundit, Not Like Us, ka fluturuar në vendin e parë të toplistës kryesore amerikane, Billboard Hot 100.

Në këtë këngë, Lamari e akuzon rivalin e tij kanadez për pedofili dhe hedh një lumë akuzash tjera mbi të.

E gjithë kjo luftë mes tyre nisi kur në një bashkëpunim me Draken, reperi J Cole kishte thënë se ata dy bashkë me Lamarin e përbëjnë Treshen e Madhe.

Sidoqoftë, Lamari e kishte refuzuar këtë gjë duke thënë se ai qëndron i vetëm në majën e repit, gjë që kishte nxitur reagimin e Draket.