KEDS s’e bën hesap seminarin e gjuhës, ia ndal rrymën (VIDEO)

Për shkak të mungesës së energjisë elektrike për gati dy orë, të mërkurën u shtynë për disa minuta deri në një orë të gjitha aktivitetet e parapara të mbahen në ditën e tretë të seminarit të Gjuhës, Letërsisë e Kulturës Shqiptare.

Drejtori i këtij seminari, Shkumbin Munishi, tha se deri tani gjithçka po shkon mirë përveç pjesës teknike, asaj të energjisë elektrike, çka do të ndikojë eventualisht në shtyrjen e ligjëratave e aktiviteteve tjera.

Megjithatë programet të mërkurën vazhduan pasi u stabilizua furnizimi me rrymë. U mbajtën ligjërata, orë letrare e kurse.