Katër të vdekur nga koronavirusi në 24 orët e fundit, bilanci total arrin në 600

Katër persona kanë ndërruar jetë në 24 orët e fundit në vend si pasojë e COVID-19, njofton Instituti Kombëtar i Shëndetësisë Publike.

Tashmë numri total i personave që kanë ndërruar jetë në Kosovë nga ky virus shkon në 600, njofton Klan Kosova.

Gjatë kësaj kohe janë shëruar 150 pacientë derisa numri i përgjithshëm i të shëruarve deri më sot është gjithsej 11.585 raste, kurse numri i rasteve aktive është 2.507.