Katër të lënduar nga aksidenti mes kamionit dhe veturës në autostradën “Ibrahim Rugova”

Aksidenti mes kamionit dhe një veture në autostradën “Ibrahim Rugova” la të lënduar katër persona.

Këtë për Klankosova.tv, e konfirmoi zëdhënësi i policisë, Daut Hoxha.

“Sot, rreth orës 15:00, në autostradën “Ibrahim Rugova”, në drejtimin Suharekë – Duhel, në kilometrin 41, ka ndodhur një aksident trafiku mes dy automjeteve: 1. Audi A3, ngjyrë e zezë, me targa vendore, dhe 2. Kamionetë Mercedes, ngjyrë e gjelbër, mercedes”.

“Si pasojë e aksidentit, katër persona kanë mbetur të lënduar, të cilët janë transportuar me autoambulancë për trajtim mjekësor. Policia ka dalë menjëherë në vendngjarje për te kryer hetimet për shkaqet e aksidentit”, deklaroi Hoxha për Klankosova.tv.

Policia e Kosovës rikujton të gjithë pjesëmarrësit në trafik që të respektojnë rregullat e trafikut dhe të shtojnë kujdesin, veçanërisht në autostrada dhe rrugë me frekuentim të lartë.

-Respektoni shpejtësinë e lejuar;

-Mbani distancën e sigurisë;

-Mos drejtoni automjetin nën ndikimin e alkoolit apo lodhjes;

-Përdorni rripat e sigurisë;

-Mos përdorni telefonin gjate vozitjes.