Kaplohen nga flakët magazinat e vjetra në Lushnjë

Magazina të vjetra kanë marrë flakë në Lushnjë, ku të tëra janë përfshirë nga zjarri.

Deri më tani raportohet se nuk ka persona që mund të rrezikohen nga zjarri, shkruan TopChannel, transmeton Klankosova.tv.

Magazinat janë të amortizuara, ndërsa një sasi lënde drusore e grumbulluar rreth tyre po i bën më të forta flakët.

Forca të shumta zjarrfikësesh ndodhen në vendngjarje, teksa në ndihmë të tyre kanë ardhur dhe zjarrfikës nga Divjaka.