“Kapet” raki e verë ilegale, 3-vjeçare (VIDEO)

6500 litra verë e 800 raki u konfiskuan në Rahovec të hënën.

Ato i sekuestroi Dogana e Kosovës gjatë një kontrolli në një biznes privat i cili rezervuarët i kishte mbajtur fshehur në oborrin e shtëpisë.

Sasia e alkoolit të prodhuar ishte bërë në mënyrë ilegale, për çka doganierët i ranë në gjurmë.

Biznesi familjar që veprimtarinë e zhvillonte në oborrin e shtëpisë po bënte gati sasinë e alkoolit për paketim e plasim në treg më pas.

Pijet u konfiskuan me urdhër të prokurorit e pronari u procedua në gjykatë, derisa nga Dogana apelojnë që të gjithë ata që operojnë ngjashëm të lajmërojnë veprimtarinë meqë taksat janë minimale.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.