“Kadri Veseli të shpallet i pafajshëm” – përfundojnë fjalët e fundit për ish-kryeparlamentarin

Avokati Rodney Dixon ka thënë fjalët përfundimtare për Kadri Veselin gjatë seancës së sotme në Hagë.

Në përfundim, avokati kërkoi që Veseli të shpallet i pafajshëm dhe të lirohet, në të kundërtën, siç tha ai, do të bëhet padrejtësi e madhe, njofton Klankosova.tv.

“Kadri Veseli duhet të lirohet dhe të shpallet i pafajshëm për të gjitha akuzat, të bëhet ndryshe do të ishte padrejtësi e madhe”, tha mbrojtja e ish-kryeparlamentarit.

Tash radhën e ka mbrojtja e Rexhep Selimit, deri në kthimin në sallë të gjyqtarëve e prokurorëve pas pauzës.