Johnson: Ukrainasve u takon të vendosin nëse duan një marrëveshje paqeje

I takon popullit ukrainas të vendosë nëse dhe kur duan të arrijnë një marrëveshje me Rusinë për të arritur paqen, thotë kryeministri i Britanisë së Madhe, Boris Johnson.

Ai thotë se i takon presidentit Volodymyr Zelensky dhe popullit ukrainas të vendosin, raporton BBC, transmeton Klankosova.tv.

“Ne nuk mund të bëhemi më ukrainas se ukrainasit, të gjithë e kuptojnë këtë”, ka thënë ai.

“Detyra jonë është thjesht të justifikojmë parimin, të mbrojmë të drejtën e ukrainasve për të mbrojtur veten e tyre. Kjo është ajo që ne po bëjmë.”

Por, Johnson thekson se presidenti rus Vladimir Putin nuk po ofron një marrëveshje.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.