Jeffrey Epstein nënshkroi testamentin dy ditë para se të vetëvritej

Jeffrey Epstein kishte nëshkruar testamentin dy ditë para se ta vriste veten në qelinë e tij të burgut në New York, thuhet në raportimet e mediave amerikane.

Do0kumentacioni i gjykatës i paraqitur javën e kaluar në Ishujt e Virgjër të SHBA-ve vlerëson pasurinë e Epsteinit në më shumë se 577 milionë dollarë.

Megjithate aty nuk kishte detaje të trashëgimtarëve apo përfituesve të kësaj pasurie.

Testamenti, detajet e të cilit u raportuan për herë të parë nga New York Post, i drejton pasuritë e Epsteinit të vihen në trust.

Epstein vdiq përderisa ishte në pritje të gjykimit për akuzat për trafikim seksual dhe komplot.

Ekzaminuesi mjekësor në New York zbuloi se 66 vjeçari, trupi i të cilit u gjet më 10 gusht, vdiq nga “vetëvrasja duke u varur”.

Epstein u deklarua i pafajshëm për akuzat që rëndonin ndaj tij, ndërsa nëse do të dënohej mund të përballej me dënim prej 45 vjetësh burgim.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.