Jahjaga priti një delegacion rumun - Klan Kosova

Na ndiqni në:


Get it on Google Play Download on the App Store

Jahjaga priti një delegacion rumun

NULL NULL
30/03/2015
Presidentja e Republikës së Kosovës, Atifete Jahjaga priti një delegacion rumun që po qëndron në Kosovë për t’u njohur me procesin e shtet-ndërtimit dhe zhvillimet politike e ekonomike në vend dhe rajon.

Presidentja Jahjaga e njoftoi delegacionin nga Rumania për përpjekjet e institucioneve të Kosovës që të forcojnë demokracinë dhe sundimin e ligjit, të ndërtojnë një ekonomi të tregut të lirë dhe të konsolidojnë praninë e Republikës së Kosovës në arenën ndërkombëtare, duke nënvizuar njohjet e pavarësisë së saj.

Jahjaga po ashtu foli për perspektivën evropiane të Kosovës dhe rëndësinë që kjo agjendë unifikuese bart për stabilitetin e Kosovës dhe të gjithë rajonit. Në këtë mes, Presidentja Jahjaga përmendi edhe rolin konstruktiv që ka luajtur Kosova për të qenë faktor i paqes dhe stabilitetit në rajon.

Delegacioni rumun, në përbërjen e të cilit ishte senatorja e Senatit rumun, Gabriela Cretu dhe këshilltarë të kryeministrit dhe parlamentit të Rumanisë, po qëndron në Kosovë nën organizimin e British Council dhe Fondacionit për Shoqëri të Hapur, në kuadër të përpjekjeve për të krijuar raporte mes shteteve që nuk ende nuk e kanë njohur pavarësinë e Kosovës dhe vendit tonë.