Izraeli sulmon centralin bërthamor “Fordow” të goditur nga Amerika

Sipas raportimeve, objekti bërthamor iranian i “Fordow” është goditur përsëri, këtë herë nga një sulm izraelit.

Vendi, i ndërtuar në një mal, ishte cak i bombave amerikane të dielën e 22 qershorit, shkruan SkyNews, transmeton Klankosova.tv.

Një zëdhënës i Shtabit të Menaxhimit të Krizave në Provincën Qom i tha agjencisë së lajmeve Tasnim se Fordow është goditur përsëri.

Media izraelite ka raportuar se ushtria sulmoi një rrugë hyrëse për në objektin bërthamor.

Sulmi amerikan gjatë fundjavës pritej të kishte shkaktuar “dëme të konsiderueshme” në vend, duke pasur parasysh natyrën e ndjeshme ndaj dridhjeve të centrifugave të tij, tha më herët sot kreu i Agjencisë Ndërkombëtare të Energjisë Atomike, Rafael Grossi.

Ai shtoi se askush nuk mund të thotë ende se sa i madh është dëmi nëntokësor.