Izraeli konfirmon identitetet e 95 të burgosurve palestinezë që priten të lirohen

Ndërsa po pritet ende për votën e qeverisë për marrëveshjen e armëpushimit, Izraeli ka nxjerrë emrat dhe moshat e 95 të burgosurve palestinezë që do të lirohen nga burgjet izraelite nëse miratohet marrëveshja e armëpushimit.

Lista detajon gjithashtu veprat për të cilat ata janë burgosur – duke përfshirë terrorizmin, tentativën për vrasje, dëmtimin e sigurisë rajonale, hedhjen e gurëve ose koktej molotovi, mbajtje të thikave dhe prodhimin e eksplozivëve, shkruan BBC, transmeton Klankosova.tv.

Ministria izraelite e Drejtësisë thotë se është një “listë e pjesshme vetëm për qëllimin e valës së parë”, një referencë për fazën e parë të marrëveshjes së armëpushimit.

Në një deklaratë, ministria shton se të burgosurit – të moshës nga 16 deri në 62 vjeç – nuk do të lirohen “para të dielës në orën 16:00”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.