Izraeli godet me mbi 50 avionë objektiva të rëndësishme në Iran

Ushtria izraelite ka konfirmuar se ka kryer sulme ajrore në Iran gjatë natës, në ditën e gjashtë të ofensivës së saj të paprecedentë.

Sipas një deklarate zyrtare, mbi 50 avionë kanë marrë pjesë në këtë operacion, duke goditur një objekt për prodhimin e centrifugave për uranium në kryeqytetin iranian, Teheran, si dhe disa fabrika armësh në rajone të ndryshme të Iranit, raporton BBC, transmeton Klankosova.tv.

“U goditën disa objekte për prodhimin e armëve, përfshirë edhe ato që prodhojnë materiale të papërpunuara dhe komponentë për ndërtimin e raketave sipërfaqe-sipërfaqe,” thuhet në njoftim.

Ky është një ndër zhvillimet më serioze në përshkallëzimin e tensioneve midis Izraelit dhe Iranit, teksa pritet reagimi zyrtar nga Teherani.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.