Ivica Daciq: Serbia do të rifillojë bisedimet me shqiptarët nga Kosova

Serbia ka hapur dy kapitujt e parë të negociatave për anëtarësim në BE, duke hyrë kështu në një fazë të rëndësishme në procesin e integrimeve evropiane.

Kryeministri serb, Ivica Daciq që është duke marrë pjesë në Konferencën Ndërqeveritare të Bashkimit Evropian për fillimin e negociatave për tu bërë pjesë e BE-së ka thënë se Serbia do të rifillojë bisedimet me shqiptarët nga Kosova dhe me të gjithë të tjerët në rajon.

“Serbia është e gatshme që bisedimet për anëtarësim në BE, t’i përfundojë në afatin më të shkurtë të mundshëm” ka thënë ai, transmeton Klan Kosova.

Daciq tha se hapja e këtyre kapitujve është një lajm i mirë për rajonin dhe vendet e Ballkanit Perëndimor.

Ai në fund tha se ky sukses i Serbisë ka ardhur si rezultat i liderëve evropian, në veçanti e ka përmendur kancelaren gjermane, Angela Merkel.

E ministri i jashtëm i vendit që ka kryesimin e BE-së, Jean Asselborn i ka dhënë shumë rëndësi  kapitullit ku bëhet fjalë për Kosovën, transmeton Klan Kosova.

“Hapja e kapitujve është shumë e rëndësishme. Kapitulli i 35-të që lidhë dialogun Beograd- Prishtinë është më i vështirë se kapitulli i 32-të. Do të shohim se si do të shkoj ky proces” tha Asselborn,  ministri i Punëve të Jashtme të Luksemburgut.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.