Ishte i dënuar me 27 vjet burgim, kush është shqiptari që përfitoi nga falja e Joe Biden

Joe Biden, më 20 janar edhe zyrtarisht do ta lë Shtëpinë e Bardhë dhe detyrën e presidentit të ShBA-së do t’ia kalojë Donald Trumpit.

E kur kanë mbetur pak më shumë se një muaj deri në përfundim të mandatit, Biden ka marrë vendim për uljen e dënimit ose faljen e 1 mijë e 500 personave që janë dërguar në burg për shkak të kryerjes së krimeve.

Sipas mediave ndërkombëtare, në mesin e atyre që do të falen janë edhe tranfikantë të drogë e po ashtu edhe drejtues të karteleve kriminale.

Por, ky vendim nga ana e Shtëpisë së Bardhë është vlerësuar si adresim i dënimeve të tepërta, veçanërisht për ata që kanë treguar se duan të riinegrohen në shoqëri, transmeton Klankosova.tv

Falje nga Biden do të përfitojë edhe një shqiptar i cili ishte i dënuar me 27 vjet burgim.

Bëhet fjalë për Francesk Shkëmbin, i cili mori dënimin në korrik të 2014-tës.

Ai u akuzua për drejtimin e një organizate kriminale që kontrabandonte drogë nga Shqipëria në Shtetet e Bashkuara të Amerikës.

E po ashu edhe për trafikimin e sasive të mëdha të kokainës dhe heroinës.

Shqiptari raportohet se nga burgu do të lirohet parakohe, në vitin 2029-të.

Derisa në afatin e rregullt, ai do ta përfundonte dënimin në vitin 2041.

Vendimi i presidentit në largim të ShBA-së, Joe Biden, ka nxitur reagime të shumta, transmeton Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.