Ish-hotel Karagaqi shndërrohet në çati narkomanësh

Dikur hotel e tani deponi mbeturinash.

Në këtë gjendje ka mbetur njëri prej resorteve më të njohura e më të frekuentuara të qytetit të Pejës.

I njohur si ish-hoteli Karagaq, i cili gjendet në zemër të parkut të Karagaqit, jo shumë larg qendrës së qytetit, që nga paslufta në të nuk është ngulitur asnjë gozhdë, raporton Kiks Kosova.

Pamjen e bukur të natyrës e të parkut ia ka marrë një objekt i braktisur, i cili është shndërruar në gërmadhë.

Në secilën anë të këtij objekti, shiu rrjedh nga çatia. Duket se muret janë të forta, prandaj edhe pak janë dëmtuar.

Hapësira gjigante e korridoret e ngushta në të cilat nuk depërton drita, duken trishtuese.

E pikërisht kjo hapësirë është bërë e denjë për përdoruesit e drogave.

Për detaje, ndiqeni kronikën në vijim:

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.