Presidenti iranian Hassan Rouhani, ka futur një sistem të mbrojtjes ajrore të ndërtuar lokalisht në rrjetin e mbrojtjes raketore të vendit në një ceremoni zbulimi në kryeqytet, Teheran.

Shfaqja e sistemit të ri, Bavar-373, erdhi mes tensioneve të ngritura me Shtetet e Bashkuara të Amerikës, të cilat vitin e kaluar u tërhoqën në mënyrë të njëanshme nga një marrëveshje bërthamore shumëkombëshe e nënshkruar midis fuqive botërore dhe Iranit dhe vendosi sanksione ndaj tij.

Zyrtarët iranianë e kanë quajtur më parë Bavar, që do të thotë “beso” në Farsi, sistemi i parë i prodhuar brenda vendit me raketa me rreze të gjatë veprimi.

Irani filloi prodhimin pasi blerja e sistemit S-300 të Rusisë u pezullua në vitin 2010 për shkak të sanksioneve ndërkombëtare që e kanë ndaluar atë të importojë shumë armë.

Duke folur në këtë ceremoni, Rouhani tha se sistemi i lëvizshëm nga sipërfaqja në ajër ishte “më i mirë se S-300 dhe afër më i përparuar se S-400”.

Me një gamë veprimi prej më shumë se 200 km, agjensia zyrtare e Iranit e lajmeve IRNA tha se sistemi i raketave me rreze të gjata është i përshtatshëm për gjeografinë e vendit.