Irani pretendon se ka goditur bazën ajrore në Jordani

Trupat e Gardës Revolucionare Islamike të Iranit (IRGC) kanë deklaruar se kanë kryer një sulm ndaj bazës Azraq në Jordani, raportojnë mediat shtetërore iraniane.

Baza Azraq strehon Bazën Ajrore Muëaffaq Salti të Forcave Ajrore Mbretërore të Jordanisë.

Pretendimi vjen pasi Forcat e Armatosura të Jordanisë njoftuan më herët se kishin penguar një përpjekje të Iranit për të goditur territorin e vendit gjatë natës, raporton Sky News.

Sipas agjencisë shtetërore jordaneze të lajmeve, pesë raketa u rrëzuan nga sistemet e mbrojtjes ajrore, duke parandaluar goditjen e objektivave në Jordani.

Deri më tani nuk ka konfirmim të pavarur për pretendimin e Iranit se baza Azraq është goditur, ndërsa autoritetet jordaneze nuk kanë raportuar dëme apo viktima.