Intertex e bën sefte në Suedi

Fabrika “Intertex”, ka nisur sot dërgesën e parë për eksport të 2 mijë e 500 mbulesave për makina në Suedi , eksport ky i cili realizohet për herë të parë pas gjashtëmbëdhjetë vjetëve në këtë qytet.

Në këtë ngjarje ishte e pranishme edhe kryetarja e Gjakovës, Mimoza Kusari-Lila.

” Jam shumë e lumtur që po nisim dërgesën e parë për eksport  në Suedi. Duket një hap i vogël, por një simbolikë e madhe për Gjakovën pasi ka filluar të eksportojë dhe njëherit shprehem se jam e sigurtë që me hapjen e parkut të biznesit do të zhvillojmë edhe kapacitete tjera” ka pohuar Kusari Lila, e cila për këtë i është adresuar që nga viti I kaluar Agjencionit Kosovar të Privatizimit, që të jep në shfrytëzim pronën e disa ish- ndërmarrjeve shoqërore.

Të 2 mijë e 500 mbulesat do të dërgohen në qendrën e kompanisë Trox, e cila edhe është investitore e kësaj fabrike në Gjakovë.

E pas këtij kontigjenti, në javën tjetër pritet  të eksportohen 2 mijë e 750 mbulesave.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.