IKSHPK: Janë raportuar mbi 100 pickime nga rriqrat

Instituti Kombëtar i Shëndetësisë Publike të Kosovës në bashkëpunim me Komunën e Malishevës ka regjistruar fillimin e pickimeve të rriqrave.

Sipas këtij instituti, seri sot në vatrat endemike janë raportuar mbi 100 pickime, njofton Klan Kosova.

Më poshtë mund t’i lexoni rekomandimet e IKSHPK-së:

IKSHPK dhe QKMF Malishevë apelojnë për kujdes dhe rekomandojmë qytetarët për sivjet:

1. Mos qëndroni gjatë dhe pa nevojë në livadhe dhe vende me shkurre,
   2. Nëse patjetër duhet të jeni të pranishëm në këto vende vesh rroba të gjata dhe pantallonat futni në çorapë,
   3. Duhet të përdorni preparate me të cila lyejmë pjesët e trupit të cilat i dëbojnë insektet nga trupi i njeriut e sidomos në pjesët e zbuluara të trupit, (shuplakat, qafën),
   4. Kontrolloni trupin mos keni ndonjë rriqër gjatë qëndrimit në vatër,
   5. Kontrolloni përsëri trupin pas largimit nga livadhi apo vendet me shkurre,
   6. Nëse keni rriqër në trup ofrohuni në qendrën më të afërt mjekësore sa më shpejt,
   7. Kositja e barit të bëhet në vazhdimësi (oborr dhe livadhe),
   8. Pastrimi dhe dezinfektimi i stallave të bëhet në vazhdimësi,
   9. Mbajtja e higjienës personale në nivelin më të lartë.

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.