Ibrahimi: Situata me COVID-19 po rëndohet, kjo po shihet me rritjen e numrit të të infektuarve

Sazan Ibrahimi, drejtor i Asociacionit të Komunave të Kosovës, ka thënë se situata me koronavirus po rëndohet.

Ibrahimi në Edicionin Special në Klan Kosova, ka thënë që kjo po shihet edhe me rritjen e numrit të infektuarve me COVID-19.

“Situata po rëndohet, masat duhet të zbatohen patjetër. Kjo po ndodhë me komunat më të mëdha ku po prinë Prishtina. Komunat po ankohen edhe për staf shëndetësor që ka filluar të infektohet, pasi COVID 19 nuk është pjesë vetëm e gastronomisë apo bizneseve, por ka hyrë edhe brenda institucioneve publike”.

“Edhe qytetarët po i lajmërojnë rastet, pasi janë ndërgjegjësuar në atë nivel”.

Ibrahimi ka thënë që çerdhet publike pas dezinfektimit duhet të rihapen.

“Çerdhet nuk janë institucione që janë duke e shpërndarë koronavirusin dhe kemi rekomanduar hapjen e tyre, në bazë të studimeve paraprake. Mirëpo, hapja e tyre nuk mund të bëhet pa i dezinfektuar”, theksoi Ibrahimi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.