I shumëkërkuari në Shqipëri, arrestohet në Itali

Policia italiane arrestoi shtetasin shqiptar, Genci Pjetri, 36-vjeç, i shumëkërkuar nga drejtësia shqiptare pasi ndaj tij ka një vendim të gjykatës që e dënon me 25 vite burgim për një vrasje të ndodhur në vitin 2003.

Pjetri u arrestua në qytetin e Romës, ku strehohej prej 12 vitesh. Policia italiane bën me dije se fillimisht ai u mundua t’i shmanget arrestit duke paraqitur gjeneralitete të rreme, por më pas u dorëzua dhe pranoi se ishte personi i kërkuar.

Pjetri akuzohet për vrasjen e shtetasit Hil Coli, ngjarje e ndodhur në vitin 2003, vrasja e bërë për gjakmarrje. Menjëherë pas vrasjes, Pjetri ka humbur gjurmët dhe për 12 vite me radhë u është shmangur autoriteteve, si shqiptare ashtu edhe italiane.

36-vjeçari ndodhej në listën e 100 personave më të kërkuar të Interpol Tiranës./ Top Channel/

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.