Gratë me mbipeshë janë më të lumtura dhe jetojnë më gjatë

Sipas një studimi, 56% e grave janë të pakënaqura me pamjen e tyre të përgjithshme. Dhe ndërsa është e qartë se askush nuk do të thoshte jo për të pasur një “trup të përsosur”, ka studime që tregojnë se të qenit me “madhësi plus” ka në fakt avantazhet e veta.

Ne inkurajojmë të gjithë që ta duan trupin e tyre sepse për sa kohë që jeni të lumtur, kjo do të thotë se po bëni diçka siç duhet.

Njerëzit që mbajnë ca peshë shtesë mund të kenë rrezik më të ulët vdekjeje

Studimet përfshinë pothuajse 3 milion njerëz, dhe ata treguan se njerëzit në kategorinë mbipeshë kishin një rrezik 6% më të ulët të vdekjes sesa ata në kategorinë e peshës normale.

Një studim tjetër tregoi se njerëzit mbi moshën 70 vjeç që kishin një ose dy kile shtesë, kanë jetuar më gjatë se ata që nuk e kanë. Sipas studiuesit kryesor, Leon Flicker, pesha e BMI (indeksi i masës trupore) nuk është e dobishme pas moshës 70 vjeç.

Sasia e duhur e yndyrës mund t’ju ndihmojë të shtoni edhe disa vite në jetën tuaj

Dr. Steven Hymsfield thotë se në situata të caktuara, të kesh disa kile të tepërta mund të të ndihmojë të jetosh më gjatë, sepse ato mund të ofrojnë një mbrojtje kundër disa lëndimeve.

“Nëse rrëzohesh dhe bie mbi kockë të prekshme, si ije, të kesh pak dhjamë shtesë mund të të mbrojë nga thyerja e tyre. Dhe nëse një sëmundje nuk ju lejon të hani, yndyra shtesë e trupit mund të jetë e dobishme .”

Sipas hulumtimit, njerëzit me mbipeshë kanë më pak shanse për të pasur depresion

Shkencëtarët kanë zbuluar se gjeni FTO nuk është i lidhur vetëm me mbipesha, por edhe me lumturinë. Ata gjithashtu zbuluan se njerëzit që peshonin më shumë kishin një shans 8% më të ulët për të zhvilluar depresion.

Gratë më të “mbushura” mund të jenë më të lumtura në jetë

Sipas hulumtimit, niveli i lumturisë së njerëzve me mbipeshë rritet pas moshës 40 vjeç. Pjesëmarrësit e anketuar raportuan cilësi më të mirë mendore, pavarësisht nga rënia në cilësinë fizike të jetës.

Studimi gjithashtu tregoi se nivelet e ulëta të ushtrimeve fizike nuk ndikonin në mirëqenien mendore të grave, por ai kishte një ndikim të dukshëm negativ në cilësinë e jetës së burrave.