Hoti premton fond për vërshime (VIDEO)

Kryeministri në detyrë Avdullah Hoti ka vizituar komunën e Vushtrrisë për të parë nga afër dëmet e shkaktuara nga vërshimet, që përfshijnë vendin ditëve të fundit.
Ky premtoi themelimin e një fondi emergjent për ti ndihmuar familjet që kanë nevojë.

Derisa, kryetari i komunës Xhafer Tahiri, i bëri me dije bashkëpartiakut se do të ketë nevojë për goxha ndihmë, pasi vërshimet kanë shkaktuar shumë dëme.

“500 shtëpi janë përfshirë nga uji, e qinra hektar të tokave bujqësore janë nën ujë derisa po flasim, dje ka filluar edhe vlerësimi i dëmëve në terren ku kemi ndihmuar edhe 100 familje”, tha Tahiri.
Hoti ditë më parë njoftoi se në bazë të dhënave nga Qendra e Situatave gjendja në komunat të cilat janë përballur me vërshime, është nën kontrollë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.