Hoti nga Vushtrria paralajmëron fond për kompensimin e dëmeve nga përmbytjet

Kryeministri në detyrë Avdullah Hoti ka paralajmëruar vlerësimin e dëmeve dhe krijimin e një fondi për kompensimin e tyre.

Për këtë çështje Hoti nga Vushtria saktësisht gjatë vizitës te lumi Sitnica ka thënë se të enjten do të takohet me kryetarët e komunave, njofton Klan Kosova.

“Nesër unë e kam ftuar një takim me kryetarët e komunave të cilët e kanë kryer punën e tyre në terren. Tash besoj se është momenti të lëvizet përpara me themelimin e komisioneve për të vlerësuar dëmet”.

“Ne në Qeveri do të themelojmë një fond në kuadër të mundësive tona buxhetore që kemi që t`iu dalim në ndihmë familjeve që kanë nevojë e që e kanë të pamunduar me forcat e veta t`i kthehen jetës nëpër shtëpitë e tyre”.

Ai edhe një herë ka përgëzuar FSK-në, Agjencinë e Emergjencave dhe Shtabet Lokale të cilat pandërprerë janë në terren në mbikëqyrje të situatës dhe ofrim të ndihmës për qytetarët dhe familjet e prekura nga vërshimet.

Nga ana e tij, kryetari i Vushtrrisë  Xhafer Tahiri tha se gjendja pas vërshimeve ka qenë e rëndë, me ç`rast shtoi se dëmet janë të konsiderueshme,

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.