Hoti i përgjigjet Kurtit për “razumem”: Frazë e caktuar në kontekst të bontonit (VIDEO)

Deputeti i Lidhjes Demokratike të Kosovës, Avdullah Hoti sonte në emisionin “DPT te Fidani” në Klan Kosova i është përgjigjur kryeministrit Albin Kurti i cili ia përmendi fjalën “razumem”.

Ai u shpreh se mënyra se si është thënë kjo fjalë, ka qenë një frazë e caktuar në kontekst të bontonit, përcjell Klankosova.tv.

“Mënyra se si është thënë ajo fjalë nga ana ime është pjesë, një frazë e caktuar në kontekst të bontonit, të sjelljes që t’i kur ulesh në tavolinë me një shtet fqinj, kundërshtar të Kosovës, por prapë e ke një bonton të sjelljes njerëzore dhe në atë kontekst është thënë ajo, por ky e ka shtrembëru”, tha ai.

Duke folur për kryeministrin Kurti, Hoti tha se në bazë të sjelljes së tij në fushatë, siç tha ai, po kthehet në lëkurën e vet

“E mira është që qytetarë tani po e shohin, unë po e shoh se si po sillet ky në fushatë, prej një komune në komunën tjetër, është për përçudnim i tij, por nuk është asgjë e re, ky person po kthehet në lëkurën e vet, në kornizat e veta të të vepruarit politik, kështu ka vepruar”,  u shpreh tutje Hoti.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.