Hoti dënon sulmin me armë ndaj policit

Kryeministri i  Kosovës, Avdullah Hoti, e ka dënuar sulmin me armë zjarri ndaj një zyrtari policor i cili ishte duke kryer detyrën e tij në parandalimin e një kryerje të vjedhjes në një qendër tregtare në Prishtinë.

Ai i ka dëshiruar policit shërim më të shpejtë, ndërkohë që thekson se integritetit fizik i policit është i pacenueshëm, teksa ka shtuar se sulmet ndaj zyrtarëve policor janë të papranueshme.

I pari i qeverisë shprehu mirënjohje dhe mbështetje të parezervë për punën e Policisë së Kosovës.