Hendboll, Trepça përforcohet edhe me një lojtar të Kosovës

Klubi i Hendbollit, Trepça po vazhdon me përforcimet për pjesën e dytë të sezonit.

Trepça ka njoftuar se ka angazhuar edhe Lulzim Shabanin, krahas Deniz Terziqit, njofton Klankosova.tv.

“Plus dy reprezentues të Kosovës për skuadrën tonë në vazhdim të kampionatit”, thuhet në njoftim.

“KH TREPÇA po rritet në të gjitha aspektet dhe po shkon vazhdimisht drejt nivelit që të gjithë ne e synojmë. Jemi mobilizuar në punën me të rinj e njëkohësisht në forcimin e skuadrës seniore”.

“Pasi kemi angazhuar Deniz Terziqin, njërin prej lojtarëve më të mirë në vendin tonë, marrëveshjen e kemi finalizuar edhe me alon Lulzim Shabani. Ferizajasi Shabani vjen nga një qytet i hendbollit në një tjetër qytet të hendbollit. Është aloja e parë e Kombëtares së Kosovës. Lulin e mirëpresim në skuadrën tonë”.