Haziri: Bllokuesi nuk kalon, nuk kemi Kuvend e as Qeveri, por vetëm deputetë të zgjedhur

Nënkryetari i LDK-së, Lutfi Haziri, ka folur për aktgjykimin e Gjykatës Kushtetuese në lidhje me konstituimin e Kuvendit të Kosovës.

Në një postim në Facebook, ai ka deklaruar se është për keqardhje që në vend se politikanët, nëpërmjet deputetëve nuk i zgjidhin ngërçet, por sipas tij, duhet Kushtetuese që ta bëjë këtë.

“Bllokuesi nuk kalon! Përshkrimi i frymës kushtetuese që Kosova ka vendosur më 17 shkurt 2008, nënkupton që marrëveshjet, mirëbesimi e kompromiset politike janë mjetet e vetme legjitime dhe patriotike në këtë Republikë, e cila themelet i ka më 2 korrik 1990. Nuk ka detyrim”.

“Për votim, nuk e lejon shantazhin politik, e aq më shumë, nuk lejon keqpërdorimin e frymës kushtetuese për t’u keqpërdorë për konsum politik. Është për keqardhje që në vend se politikanët, nëpërmjet deputetëve, t’i zgjidhin ngërçet, i duhet Gjykatës Kushtetuese që ta bëjë këtë!”

“Bllokuesi nuk kalon. Nuk kemi Kuvend e as Qeveri, por vetëm deputetë të zgjedhur, sikurse që nuk mundesh me qenë edhe deputet e edhe anëtar i Qeverisë.  Republika, mbi të gjitha!”, ka thënë Haziri. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.