Haradinaj uron besimtarët për Ramazan

Kryetari i Aleancës për Ardhmërinë e Kosovës, Ramush Haradinaj, ka uruar të gjithë besimtarët myslimanë në Kosovë, Diasporë dhe Trevat shqiptare.

Ai ka uruar që ky muaj të jetë muaj i rritjes së tolerancës dhe solidaritetit, njofton Klan Kosova.

Ja urimi i plotë i Haradinajt në Facebook.

Të gjithë besimtarëve myslimanë në Kosovë, Diasporë dhe në të gjitha trevat shqiptare, si dhe Bashkësisë Islame të Kosovës, Me fat Muaji i  Ramazanit!

Le të jetë ky Muaji i rritjes së besimit, tolerancës dhe solidaritetit për të gjithë besimtarëve dhe nevojtarët. Muaji i sakrificës në emër të së drejtës dhe besimit, por edhe muaji i afrimit dhe i mbështetjes së njëri-tjetrit.

Paçit agjërim të lehtë e të pranueshëm!