Haradinaj takon Ramën: E falënderova për kujdesin e tij në këtë periudhë jo të lehtë që po kalon Kosova

Kryetari i AAK-së, Ramush Haradinaj, është takuar me kryeministrin e Shqipërisë, Edi Ramën, takim të cilin e quajti vëllazëror.

Haradinaj tha se me Ramën folën për zhvillimet që po kalon Kosova, Shqipëria dhe rajoni, e në veçanti për sfidat e Kosovës në çështjet që kanë të bëjnë me dialogun, sigurinë dhe perspektivën e integrimeve euro-atlantike.

“I kërkova kryeministrit shqiptar që në të gjitha nivelet e bisedave me faktorin ndërkombëtar e kombëtar të ndihmojë në tejkalimin e sfidave që i ka Kosova dhe të përshpejtojë integrimin e saj”.

“E falënderova përzemërsisht për kujdesin e tij dhe të Shqipërisë në këtë periudhë jo të lehtë që po kalon Kosova”.

Kujtojmë se ky është takimi i parë pas një kohe të gjatë kur marrëdhëniet mes Haradinajt e Ramës ishin në nivele jo të mira.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.