Hamilton dominues edhe në Belgjikë NULL NULL 2 muaj më parë 2 muaj më parë Kampioni aktual i botës në Formula 1 Luis Hamitlon ka treguar edhe një herë dominimin e tij kësaj radhe në shpërblimin e madh të Belgjikës. Britaniku pa ndonjë telashe arrit tek fitorja e tij e katërt në shtegun e famshëm SPA Francorchamps duke udhëhequr garën për 44 xhiro. Vendin e dytë e zuri kolegu i tij te ekipi Mercedes finlandezi Valteri Bottas, teksa treshen e podiumit e kompletoi piloti holandez i ekipit Red Bull Max Verstappen. Hamilton vazhdon sezonin fantastik me pesë fitore nga shtatë garat e deritashme. Në këtë formë ai është gjithnjë e më afër barazimit të rekordit të legjendës së këtij sporti Michael Schumacher me 7 tituj të kampionit të botës. Gara e radhës zhvillohet në shtegun italian Monza me 6 shtator dhe transmetohet ekskluzivisht në platformën Artmotion.
