Hajnat vjedhin xhevahirë në Venedik në pikë të ditës (VIDEO)

Hajnat kanë vjedhur bizhuteri indiane në vlerë prej miliona funtash në pikë të ditës në një ekspozitë në pallatin e Venedikut, transmeton Klan Kosova.

Një karficë zbukurimi dhe një palë vathë janë marrë nga koleksioni i famshëm Al Thani në pallatin e Doge në Venecia të mërkurën.

Kjo vjedhje ka ndodhur në ditën e fundit të ekspozitës që zgjati katër muaj e që kishte 270 objekte që datonin që nga koha e Perandorisë Muhgal.

Edhe pse policia kishte ndërhyrë menjëherë, hajnat ishin përzier me turmën dhe ishin larguar.

Bizhuteritë e vjedhura ishin prej ari, platini dhe diamanti, ndërsa siç njoftoi policia vlera e tyre ishte miliona euro.