Hailey Bieber tregon pse hoqi dorë nga Twitter

Hailey Bieber ka folur rreth arsyes se pse ajo hoqi dorë nga rrjeti social Twitter, në vlogun e saj të ri.

Modelja 24 vjeçare fshiu llogarinë vitin e kaluar, pas komenteve të vazhdueshme negative për të.

Në vlog, Hailey shpjegon se sa keq u bë pas këtyre komenteve, dhe se vendimi për t’u larguar nga kjo platformë ishte vendimi i saj më i mirë në jetë, transmeton Klan Kosova.

Ajo zbuloi se një nga gjërat më të mëdha me të cilat luftoi ‘ishte aspekti i krahasimit të trupit dhe dukjes si dhe ai i sjelljes’.

Modelja gjithashtu tha se martesa e saj me Justin Bieber solli sjellje edhe më toksike nga fansat, dhe ankth të rëndë.

“Unë nuk jam më në Twitter, më duket sikur ishte një mjedis shumë toksik. Mendimi i hapjes së një llogarie sërish, më jep një ankth të keq”.