Greta Thunberg deportohet, thotë Izraeli, pasi u ndalua anija me ndihma për Gazën

Izraeli thotë se ka filluar të deportojë 12 aktivistë pro-palestinezë, përfshirë aktivisten suedeze Greta Thunberg, anija me ndihma e së cilës për në Gaza u sekuestrua nga forcat izraelite në Mesdhe të hënën.

Ministria e jashtme izraelite tha se Thunberg u nis nga Tel Avivi të martën në mëngjes me një fluturim për në Francë, pasi ajo pranoi të deportohej.

Por Franca tha se pesë nga gjashtë aktivistët francezë kishin refuzuar të nënshkruanin urdhrat e tyre të deportimit dhe tani do të nxirreshin para një autoriteti gjyqësor izraelit, raporton BBC, transmeton Klankosova.tv.

Jahti i tyre, Madleen, u ndalua ndërsa ata përpiqeshin të dërgonin një sasi “simbolike” ndihme në Gaza në kundërshtim me bllokadën detare të Izraelit për të nxjerrë në pah krizën humanitare atje.