Gjilani gjashtë pikë larg Evropës, po aq edhe larg barazhit (VIDEO)

Gjilani ka shënuar fitore ndaj Ferizajt me rezultat minimal 1:0 në xhiron e 27-të të Superligës së Kosovës.

Vendësve iu desh shumë kohë që ta gjejnë golin e vetëm por që ua arkëtoi tri pikë.

Madje ishte një ferizajas, Filip Gligorov, ai që realizoi në portën e tij, duke “u bërë favor” vendësve.

Me këtë triumf, Gjilani ngjitet në vend të katërt me 38 pikë, gjashtë më pak se vendi i tretë të cilin e okupon Malisheva e që dërgon në Evropë.

Mirëpo, po aq pikë e ndajnë klubin nga Anamorava edhe nga barazhi, pasi Dukagjini ndodhet i teti me 32 pikë.

Në anën tjetër, Ferizaj ka 35 pikë në pozitën e gjashtë në tabelë.