Gjilan: Arrestohen dy persona për fajde, dyshohet se përfituan 800 mijë euro

Dy persona janë arrestuar në Gjilan dhe janë ndaluar për 48 orë.

N.S dhe A.S, dyshohet se kanë kryer vepren penale “Fajde”.

Ata dyshohet se nga ky aktivitet kanë përfituar 800 mijë euro.

Sipas Prokurorisë Themelore të Gjilanit, të dyshuarit i kanë dhënë shumën prej 50 mijë eurosh viktimave duke iu bërë atyre presion dhe duke i detyruar ata që të paguajnë interesin mujore prej 20 për qind.

“Të pandehurit N.S dhe A.S, në bashkëkryerje kanë shfrytëzuar pa përvojën e viktimave dhe gjendjen e tyre materiale, duke i detyruar të dëmtuarit të veprojnë në dëm të pasurisë së tyre dhe i kanë sjellë në gjendje të rëndë financiare, ashtu që fillimisht u’a japin shumën prej pesëdhjetë mijë (50000) euro me fajde dhe në vazhdimësi u kanë bërë presion që viktimat të ua paguajnë interesin – kamatën prej 20% mujore, duke përvetësuar shumën e parave në vlerë rreth tetëqind mijë (800,000.00) euro si dhe automjetet e markave Range Rover, Mercedes dhe Tiguan, në vlerë rreth pesëdhjetë mijë (50000) euro”.

Njoftimi i plotë:

Me datë 31. Gusht 2022, Prokuroria Themelore ne Gjilan, ka ndaluar për 48 orë të dyshuarit N.S dhe A.S, për shkak të dyshimit të bazuar se të njëjtit kanë kryer veprat penale Fajdeja nga neni 331 të KPRK-së, Detyrimi nga neni 328 të KPRK-së dhe Kanosja nga neni 181 te KPRK-së, të kryera në bashkëveprim në dëm të dëmtuarve A.M dhe E.M që të dy nga Gjilani.

Të pandehurit N.S dhe A.S, në bashkëkryerje kanë shfrytëzuar pa përvojën e viktimave dhe gjendjen e tyre materiale, duke i detyruar të dëmtuarit të veprojnë në dëm të pasurisë së tyre dhe i kanë sjellë në gjendje të rëndë financiare, ashtu që fillimisht u’a japin shumën prej pesëdhjetë mijë (50000) euro me fajde dhe në vazhdimësi u kanë bërë presion që viktimat të ua paguajnë interesin – kamatën prej 20% mujore, duke përvetësuar shumën e parave në vlerë rreth tetëqind mijë (800,000.00) euro si dhe automjetet e markave Range Rover, Mercedes dhe Tiguan, në vlerë rreth pesëdhjetë mijë (50000) euro.

Të njëjtit janë arrestuar në flagrancë, duke noterizuar kontratën kinse për shitblerjen e një parcele, e që në fakt ka qenë e njëjta parcelë që është marr në emër të fajdesë. Lidhur me këtë rast, Prokurori i Shtetit, brenda afatit ligjor do të ushtron kërkesë për caktimin e masës së paraburgimit pranë Gjykatës Themelore në Gjilan.