Gjendet i vdekur një 26-vjeçar, shtetas i huaj në Qendrën e Azilit në Magure

Një person – shtetas i huaj është gjendur i  vdekur në Qendrën e Azilit në fshatin Magure të Lipjanit.

Lajmin për Klankosova.tv e ka konfirmuar zëdhënësi i policisë për rajonin e Prishtinës, Agron Borovci.

“Rreth orës 10:30, kemi pranuar informatën për një  person pa shenja  jete në  Qendrën e Azilit në Magurë. Policia menjëherë ka dalë në vendin e ngjarjes si dhe mjekët emergjent të cilët kanë konstatur vdekjen e viktimës, mashkull, rreth 26 vjeç, shtetas i huaj”, ka thënë Borovci, njofton Klankosova.tv.

Tutje, ai tha se aktualisht policia me kujdes të shtuar ka nisur një hetim për rastin, si vdekje e dyshimtë dhe po ndërmerr të gjitha veprimet e duhura hetimore dhe ato forenzike, që do të ndihmonin në hetimin e ngjarjes dhe ndriçimin e rrethanave të rastit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.