Gjelosh Vataj kthehet në punë, shfuqizohet vendimi i datës 17 gusht

Bordi i Drejtorëve të Ujësjellësit KUR “Prishtina” ka shfuqizuar sot vendimet e datës 17 dhe 18 gusht 2015, kur bordi drejtues i kësaj kompanie kishte shkarkuar drejtorin gjeneral, Gjelosh Vataj, njofton Klan Kosova.

Me anë të një njoftimi për media, KUR “Prishtina” njofton se “sot më 13 nëntor 2015, Bordi i Drejtorëve të kësaj kompanie, në mbledhjen e radhës të mbajtur sot shfuqizoi vendimet e  Bordit të kaluar të Drejtorëve”.

“Vendimi i  marrë nga Bordi  i Drejtorëve e rikthen Gjelosh Vataj në pozitën e  Kryeshefit Ekzekutiv të KUR “Prishtina’”.

Ky shfuqizim ka ardhur duke u bazuar në trajtimin e një raporti zyrtar nga Inspektorati i Punës dhe rekomandimeve nga Ministria e Zhvillimit Ekonomik të Republikës së Kosovës.

“Pas këtij vendimi, Selatin Retkoceri, i cili deri tani ishte Ushtrues Detyre i Kryeshefit Ekzekutiv me automatizëm rikthehet në pozitën që e mbante deri para datës 17 gusht 2015, kurse Remzi Llumnica i cili që nga data 18 gusht 2015 mbante pozitën e Ushtruesit të Detyrës të Zyrtarit Kryesor Financiar bazuar në vendimin e Bordit të kaluar të Drejtorëve, që nga sot ritkthehet në pozitën e mëparshme”, thuhet në njoftimin për media.

Vataj ishte shkarkuar nën arsyetimin se ishte treguar i pa paërgjegjëshm dhe mospërfillës ndaj Bordit të Drejtorëve.

klankosova.tv