Giannis dhe Ja Morant ndryshojnë skuadrat – NBA hyn në një epokë të re!

Dy prej superyjeve më të mëdhenj të NBA ligës, kanë ndërruar skuadër, me Giannis Antetokounmpo që iu bashkua Miami Heat dhe Ja Morant që u transferua nga Memphis Grizzlies te Portland Trail Blazers.

Lëvizjet përfaqësojnë një ndryshim të madh në ekuilibrin e fuqive dhe liga duket që po hyn në një epokë të re.

Miami me Antetokounmpo, dy herë MVP i ligës, ka siguruar një prej lojtarëve më dominues në botë, i cili pritet ta kthej skuadrën e Heat në një prej forcave më të rrezikshme të Konferencës Lindore.

Ndërkohë, Portland ka bërë një bast të madh për të ardhmen, duke e ndërtuar atë rreth Ja Morant. Ish All-Stari, do të jetë figura qëndrore e projektit të ri të Trail Blazers, që shpresojnë në eksplozivitetin dhe talentin e tij, për ta rikthyer skuadrën në garën për majat e Konferencës Perëndimore.

Por kjo është vetëm një pjesë e një vere të jashtëzakonshme deri tani.

Jaylen Brown u transferua te Philadelphia 76ers, ndërsa LeBron James së fundmi zgjodhi gjithashtu 76ers, ku në vetëm pak javë, disa prej emrave më të mëdhenj të NBA kanë ndryshuar skuadrat e tyre.

Me kaq shumë yje që kanë lëvizur njëkohësisht dhe ka zëra për lëvizje tjera gjatë kësaj vere, struktura tradicionale e fuqive në NBA nuk duket më njësoj.

Dhe nëse kjo verë është një tregues, sezoni I ri mund të jetë një prej më të paparashikueshmëve në vitet e fundit./Klankosova.tv