Gazetarët rusë: Putin e uroi fshehtas Trumpin për fitoren e zgjedhjeve

Presidenti rus, Vladimir Putin i ka dërguar një urim privat Donald Trump-it për fitoren e tij në zgjedhje, sipas një faqeje opozitare ruse që citon burime nga Kremlini dhe deputetë të parlamentit rus.

Zëdhënësi i Kremlinit, Dmitry Peskov, kishte deklaruar më herët se Putin nuk kishte plane për të përgëzuar Trump-in, por gazetarët e “Vyorstka” raportuan se ai dhe zyrtarët e lartë kanë përdorur Ministrinë e Jashtme të Rusisë për të komunikuar urimin në mënyrë informale, transmeton klankosova.tv.

Sipas burimeve të paidentifikuara të cituara nga “The Times”, ky gjest është bërë me shpresën që Trump të ulë mbështetjen ushtarake për Ukrainën nëse fiton postin e presidentit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.