Fushata në Shtime: Miku i Kosovës në tubimin e Hamzës (VIDEO)

Slogani alternativ i PDK-së nuk mungon në një asnjë tubim, madje ai shoqërohet me simbolet e akronimet të UÇK-së dhe këngët me mesazhe të luftës dhe lirisë.

Në tubimin e sotëm të mbajtur në Shtime, ishte edhe ish-ambasadori William Walker, personalitet ky që i tregoi botës për masakrën e Reçakut që e kryen forcat serbe ndaj civilëve shqiptarë, raporton Klan Kosova.

Shtimja, bastion i PDK-së në nivel lokal deri para zgjedhjeve të kaluara, mblodhi simpatizantët e saj në palestrën e sportit.

E kur u përmend emri i mikut të Kosovës dhe diplomatit Walker për të marrë fjalën, salla u ndez.

Njëjtë ndodhi edhe me daljen e Bedri Hamzës, kryetarit aktual të Mitrovicës e që synon pozitën e kryeministrit të shtetit.

Hamza nuk kaloi te vizioni i tij premtues pa ia dedikuar ca fjali ish-ambasadorit dhe mysafirit të tij për sonte, ndërkaq më pas u zotua se në fokus e ka kujdesin për mirëqenien e familjeve.

Tjetër premtim i tij ishte mos mungesë të ilaçeve për pacientët me sëmundje kronike.

Pa harruar arsimin, përmes bursave shtetërore dhe investimeve të mëdha kapitale siç tha ai në vlerë mbi 6 miliardë euro brenda qeverisjes potenciale 4 vjeçare të PDK-së.