Fundosja e anijes tajlandeze: Gjenden trupat e gjashtë marinarëve

Ekipet e kërkim-shpëtimit kanë gjetur trupat e gjashtë marinarëve të anijes luftarake tajlandeze qe u fundos në bregun jugor-lindor, thonë autoritetet detare ushtarake të vendit.

Marinarët e vdekur dhe një I mbijetuar u gjetën të martën nga ekipet zhytëse ushtarake në ujërat e Gjirit të Tajlandës.

Por, kërkimi për 23 marinarët e tjerë të zhdukur po vazhdon. Ushtria detare thotë se 76 pjesëtarë të ekuipazhit janë shpëtuar deri tash, shkruan BBC, përcjell Klankosova.tv.

Ushtria dhetare dhe ajrore tajlandeze kanë kaluar dy ditë për kërkimin e të mbijetuarve, duke angazhuar qindëra oficerë në katër anije detare dhe disa helikopterë dhe dronë. /Klankosova.tv./