Flet Ramadani, pas infektimit me COVID për herë të dytë: Masat parandaluese duhen zbatuar nga secili

Flet Ramadani, pas infektimit me COVID për herë të dytë: Masat parandaluese duhen zbatuar nga secili

NULL NULL
4 months më parë

Drejtor i Institutit Kombëtar të Shëndetësisë Publike të Kosovës, Naser Ramadani, sot  ka rezultuar pozitiv për të dytën herë me COVID-19.

Ai përmes një postimi në Facebook ka treguar se është infektuar me këtë virus, ndërkaq ka kërkuar që të zbatohen masat parandaluese nga secili.

“Kam rezultuar pozitiv në SARS CoV-2! Duke pasur parasysh se virusi është prezent gjithkund e numri  i rasteve pozitive dhe vdekjeve nga COVID-19 vazhdon të jetë i lartë dhe brengosës, ju lutem bartni maskat nē çdo vend dhe  vaksinohuni!  Qëndroni në shtëpi dhe ajrosni ambientet e mbyllura. Masat parandaluese duhet të zbatohen nga secili”, ka shkruar ai në Facebook.

“Andaj ju lutem: Mbuloni gojën dhe hundën me maskë, mbani higjienën, respektoni distancën dhe vaksinohuni”, ka shtuar ai.