Flasin nga kompania e autobusit që u dogj nga zjarri: Presim që organet kompetente të merren me rastin

Një autobus i kompanisë “Arditi Tours” është kapluar nga zjarri sonte në një parking në Zonën Industriale Prishtinë-Fushë Kosovë.

Klankosova.tv ka kontaktuar me njërin nga pronarët e kompanisë, Ardit Fazliu, i cili ka theksuar se zjarri i autobusit është fikur dhe se nuk ka të lënduar.

“Po, ishte autobusi ynë, ai ishte në parking, bashkë me 15 autobusë të tjerë. Vetëm ky është përfshirë nga zjarri”.

“Të lënduar nuk ka, zjarrfikësit e kanë shuar zjarrin. Po presim që organet kompetente të merren me rastin”, ka thënë Fazliu për Klankosova.tv.