Fiton dy çmime të mëdha lotarie brenda katër muajsh

Një grua në Uashington fitoi çmimin prej 250 mijë dollarësh nga një biletë lotarie me gërvishtje, vetëm katër muaj pasi fitoi 50 mijë dollarë nga një lojë tjetër.

Sherri Fowler u tha zyrtarëve të lotarisë se ajo bleu biletën nga stacioni Chevron në Sherman Avenue dhe e gërvishti atë teksa ishte ende brenda në dyqan.

“Isha në dyqan dhe fillova të bërtas. Nuk mund ta besoja. Më duhej t’u kërkoja fëmijëve të mi ta kontrollonin dy herë”, kujton Fowler.

Ajo fitoi më parë 50 mijë dollarë nga një biletë gërvishtëse Win it All që bleu nga Harvard Liquors — vetëm një bllok larg stacionit Chevron.