Fitnesi e shpëtoi anoreksiken nga vdekja

Një grua anoreksike ka thënë se jeta e saj është shpëtuar nga disa njerëz të huaj në fitnes të cilët insistuan që ajo të vizitojë një doktor.

27 vjeçarja Lauryn Lax, peshonte vetëm 36 kilogramë kur disa njerëz që e frekuentonin sallën e njëjtë të fitnesit ku shkonte edhe ajo, insistuan që të vizitonte një mjek për shkak se ishin të shqetësuar për shëndetin e saj, shkruan Daily Mail, transmeton Klan Kosova.

Lax vuante nga anoreksia që nga mosha 9 vjeçare.

Pasi shkoi në spital, doktorët zbuluan se ajo vuante nga një ritëm shumë i ulët i funksionimit të zemrës që paraqiste rrezik serioz për jetën.

Ajo është mbajtur në kujdes intensiv për 3 javë, e më pas kishte kaluar një vit në njësinë e rikuperimit në Majami.

Tani e shëruar dhe e rikuperuar, ajo u thotë miqve të saj në fitnes “engjëj”, për shkak se ata ia shpëtuan jetën.