Firmat e ndërtimit, shkelësit më të mëdhenj të ligjit

Më shumë se gjysma e punëtorëve në sektorin e ndërtimtarisë janë pa kontrata pune. Në këtë sektor bëhen edhe shkeljet e ligjit sa i përket pushimit mjekësor, orëve të punës, kompensimit në rastet e lëndimeve në punë dhe ka mungesë të mjeteve për siguri në punë.

Këto janë disa nga të dhënat që kanë dalë nga monitorimi i zbatimit të Ligjit të punës dhe Ligjit për siguri dhe shëndet në punë, që është bërë nga Qendra për Politika dhe Avokim, e i cili është prezantuar të martën në Prishtinë, shkruan Koha Ditore.

“Të dhënat nga terreni tregojnë se 38.46 për qind të të intervistuarve nga sektori i shërbimeve, tregtisë dhe hotelerisë punojnë pa kontratë pune, ndërsa në sektorin e ndërtimit 59.76 për qind janë deklaruar të mos kenë kontratë pune”, ka thënë Milaim Morina

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.